خلاباز سنیتا ولیمز کی زمین پر واپسی میں تاخیر

ہندوستانی نژاد خلا باز  سنیتا ولیمز کی زمین پر واپسی کا شیڈول ایک بار پھر اس وقت تاخیر کا شکار ہو گیا ،جب انہوں نے خلائی جہاز، بوئنگ اسٹار لائنر میں کئی تکنیکی خرابیوں کا  مشاہدہ  کیا۔ خلاباز، جنہوں نے  5 جون کو زمین سے  خلاء کا سفر   کیا  تھا، خلا میں ایک ہفتے کے بعد 14 جون کو واپس آنا تھا۔ تاہم، ان کی واپسی 26 جون تک موخر کر دی گئی۔ اب، ناسا کی طرف سے ان کی واپسی کی کوئی نئی تاریخ  بتائی  نہیں گئی ہے۔ بتایا جاتا ہے کہ خلائی ایجنسی نے اسٹار لائنر خلائی جہاز پر پانچ ہیلیم لیکس کا پتہ چلنے اور اس کے 28 تھرسٹرز میں سے پانچ کو مسائل کا سامنا کرنے کے بعد خلائی اسٹیشن پر محترمہ ولیمز کے قیام کی مدت بڑھا دی تھی۔ محفوظ واپسی کے لیے کم از کم 14 تھرسٹرز کی ضرورت ہے۔