آیوش کے یونانی علاج میں ملک کی عوام کا پورا پھروسہ ـ رکن اسمبلی عبد الرحمن
کیمپ منعقد کرنے کا بنیادی مقصد معاشی تنگی کے شکار اور ضرورت مندوں تک پہونچنا ہے : حکیم عطا الرحمن اجملی
نئی دہلی :۱۳ دسمبر (خصوصی نماءندہ) اے اینڈ ایس فارمیسی و مسکان اسپتال کے مشترکہ تعاون سے مفت میڈیکل اور آنکھوں کی جانچ کیمپ کا انعقاد روڈ نمبر ۶۶ سیلم پو ر میں کیا گیا ۔کیمپ کا افٹاح مقامی رکن اسمبلی عبد الرحمن اور سابق کونسلر اسماء رحمان نے کیا ـ کیمپ میں دہلی کے ماہر حکیم وڈاکٹر وں نے اپنی اعزازی خدمات پیش کیں۔
کیمپ میں صبح ۱۰ بجے سے ہی لوگوں کی بڑی تعداد چیک اپ کیلئے آنے لگی تھی ۔ اس موقع پر رکن اسمبلی عبد الرحمن نے کہا کہ یونانی طریقۓ علاج صدیوں پرانا سسٹم ہے جو مرض کو جڑ سے ختم کرنے میں معاون ہوتا ہے اور اسکا کوئ سائڈ افیکٹ بھی نہیں ہےـ انہوں نے سرکاروں کو اسکی جانب مزید اقدامات کی طرف رجوع کیاـ
انہوں نے کہاکہ اے اینڈ ایس فارمیسی ، مسکان اسپتال او ر مشہور یونانی ادویات کی کمپنی سپزر نے کیمپ کو کامیاب بنانے میں اہم کردار ادا کیا ہے ۔
عبد الرحمن نے کہا کہ کیمپ منعقد کرنے کا بنیادی مقصد ایسے لوگوں کو فیض پہنچانا ہے جو لوگ معاشی تنگی کی وجہ سے اپنا علاج نہیں کرا پاتے ۔ انہوں نے کہاکہ میڈیکل کیمپ منعقد کرنے کا سلسلہ جاری رہنا چاہۓ اس سے لوگوں کو فائدہ سیدھے طور پر مل رہا ہے ۔
ڈاکٹر حنا نے کہاکہ آنکھیں قدرت کی دی ہوئی نعمتوں میں سے ایک نعمت ہے جس کی دیکھ بھال کرنا ہم سب کی ذمہ داری ہے ۔ انہوں نے کہاکہ زیادہ تر لوگ اسپتال آنے میں غفلت برٹے ہیں۔ علاوہ ازیں مزدور اور کمزور طبقہ پیسوں کی وجہ سے جانچ اور علاج میں کوتاہی پرٹا ہے _ ایسے لوگوں کیلئے مفت کیمپ فائدہ مند ثابت ہوتے ہیں اور کیمپ کے ذریعہ بڑی خدمت انجام دی جاتی ہے ۔
